Интернетка боевикларның 6 яшьлек малайны әзерләүләре турындагы шаккатыргыч видео куелган [+ВИДЕО]
Кадрларда бала энәле тимерчыбыклар аша үрмәли, ә аның баш өстеннән пулялар оча.
Россиядә тыелган “Исламское государство” террористлар оешмасы боевикларының 6 яшьлек малайны әзерләү турындагы видеоролигы чын мәгънәсендә куркыта. Бала янында гына пулялар оча, автомат тавышлары тынмый. Малай куркуыннан каты кычкыра, бераз туктап тора һәм тагын “каршылыклар полоса”сын дәвам итә. Аны узганнан соң, боевиклар “Аллах Акбар” дип кычкыра.
Янәшәдә генә хәрби киемнән киенгән кешеләрне күрергә була. Әлеге видео Иракта яки Сүриядә төшерелгән дип фаразлана. Бу балалар катнашындагы беренче видео гына түгел икән инде.