23 июльгә һава торышы һәм ай календаре
23 июльдә Татарстанда аязучан-болытлы һава торышы була. Төнлә урыны белән кыска вакытлы яңгыр, яшенле яңгыр явачак, кайбер районнарда томан төшә. Көндез яңгыр, урыны белән көчле яңгыр, яшенле яңгыр, боз явачак. Төньяк-көнбатыштан, төньяк-көнчыгыштан 5-10 м/с тизлектә, урыны белән 14 м/с, яшен вакытында 15-20 м/с тизлектә көчле җил. Төнлә һава температурасы +14..+19˚, көндез +23..+28˚ градус.
Яңа ай.
Кабаттан редис чәчү өчен уңышлы көн. Уңыш биреп бетергән бакча җиләген эшкәртергә була. Гөмбәчек һәм бактерияле авыруларны кисәтү өчен, кыяр, помидор түтәлләрен эшкәртергә кирәк.