Алабугада яшәүче ир-ат өенең баскыч төбендә янып үлгән

Алабугада Городищенский урамындагы 7 нче йортта киемнәренә ут капкан 65 яшьлек ир-ат һәлак булган. Бу хакта Россия Гадәттән тыш хәлләр министрлыгының ТР буенча Баш идарәсендә сөйләделәр, дип хәбәр итә «Татар-информ».

Янгын йорттагы баскыч мәйданчыгында чыккан, биредә мәрхүм ир-атның әйберләре янган. Коткаручылар килгәнче, утны күршеләре сүндергән.

Хәзерге вакытта фаҗига сәбәпләре ачыклана. Ир-атның дүртенче катта яшәве билгеле.