Шарабидин Капаров незаконно присвоил социальные объекты, причинил ущерб государству на сумму 30 миллионов долларов

КР Президенти, Коопсуздук кеңешинин башчысы С.Н. Жапаровго

723317, Ош облусу, Кара-Суу району, Кызыл-Кыштак айыл аймагы, Кызыл-Байрак айылынын тургуну Токторалиева Орозкандан (тел. 0778 493908)

АРЫЗ

1. Кызыл-Кыштак айыл өкмөтүнүн мурдагы башчысы Капаров Ишкаван айылынын мурдагы ФАП соцобъектти мыйзамсыз менчиктештирип алат. Себеби, ошол убакытта иштеп жаткан (КР Өкмөтүнүн 28.03.2016 ж. №421 токтому менен жокко чыгарылган) КР Өкмөтүнүн 09.10.1995 ж. №421 токтому менен бекитилген КРдагы социалдык инфраструктуранын объекттерин пайдалануу жөнүндө программанын 5.3 бер. ылайык медициналык мекемелер менчиктештируу объектилерине кирбей тургандыгы көрсөтүлгөн. Ал эми, Капаров кызмат абалынан кыянаттык менен пайдаланып КР Президентинин Жарлыгынын 16.02.1995 ж. №37 жана КР Өкмөтүнүн 09.10.1995 ж. №421 токтомунун талаптарын одоно бузуп, социалдык инфраструктуранын объектиси мурдагы ФАПты атасы Кушбак Капаровдун атына мыйзамсыз менчиктештирип, дүкөн кылып ижараге берип жүргөн, азыр текшеруу болгондуктан жаап койгон.

2. Капаров Кызыл-Байрак айылында совхоз жоюулуп соцобъект - мончого деп ажыратылган жер тилкени фундаменти менен соцобъект жерин мыйзамсыз менчиктештирип алат. Себеби, ошол убакытта иштеп жаткан (КР Өкмөтүнүн 28.03.2016 ж. №421 токтому менен жокко чыгарылган) КР Өкмөтүнүн 09.10.1995 ж. №421 токтому менен бекитилген КРдагы социалдык инфраструктуранын объекттерин пайдалануу жөнүндө программасына ылайык соцобъект мекемелердин жерлери менчиктештируу объектилерине кирбей тургандыгы көрсөтүлгөн. Ал эми, Капаров кызмат абалынан кыянаттык менен пайдаланып КР Президентинин Жарлыгынын 16.02.1995 ж. №37 жана КР Өкмөтүнүн 09.10.1995 ж. №421 токтомунун талаптарын одоно бузуу менен социалдык инфраструктуранын объектиси мончого ажыратылган жер тилкени атасы Кушбак Капаровдун атына мыйзамсыз менчиктештирип берген.

3. Жер саткыч Капаров Коммунист айылынын соцобъекти стадион жерин мыйзамсыз азайтып, чоң парага бир катар 4 жер тилкени жеке менчикке сатып жиберген. 40 миң доллар пара берсе Капаров, ОшГипрозем, Кадастр, райАрхитектура генланды, документтерди бурмалап, соцобъект стадиондун жерин кызмат абалынан кыянаттык менен пайдаланышып КР Президентинин Жарлыгынын 16.02.1995 ж. №37 талаптарын одоно бузуп сатып жиберишкен.

4. Ар жылы май-октябрь айларында айыл аймактын бардык сегиз айылында таза суу тартыш болот. Ичимдик суу 2-3 күндө бир жолу, аз эле чыгып токтоп калат. КР Президенти бардык жергиликтүү органдардын башчыларынан таза суу менен бардык айылдар толук камсыздашын талап кылган. Капаров жай айларында бардык сегиз айылга таза сууну элге жеткируу боюнча эч кандай иш кылганы жок, тескерисинче Капаров кызмат абалынан кыянаттык менен пайдаланып КР Президентинин Жарлыгынын 16.02.1995 ж. №37 жана КР Өкмөтүнүн 09.10.1995 ж. №421 токтомунун талаптарын одоно бузуп, социалдык инфраструктуранын объектиси Бостон, Анжиян айылдарынын суу насосторунун суу коргоо аймактарын жасалма токтомдор менен жеке менчикке сатып жиберген. Натыйжада, ар жылдын май-октябрь айларында Кызыл-Кыштак айыл аймагынын 50 миң эли ичимдик суусуз кыйналып жатат. Эл душманы Капаров айыл элинде Президент С.Жапаровдун айылдарды суу менен камсыз кылуу саясатына жай айларында нааразылык ойготуу максатында СООППВ “Шамшат-Суу” башчысы Умурзаков Абдукарим менен алдын ала сүйлөшүп бутум боюнча Анжиян айылы суу насосун электр токдан мыйзамсыз өчүрүп салган.

5. Жемкор Капаров Ишкаван айылынын 1576 контурундагы 0,47 гектар, 1577 контурундагы 0,48 гектар жерлерди мыйзамсыз азайтып, жакын тууганы Маматалиевдин “подставной лицо”лору Ырысова Нусканын жана Нематов Акрам аркылуу аукциондон мыйзамсыз арзан баалап, арзан баада саткан. Азайтып салган жер тилкелерди мурдагы айыл өкмөт башчысы Жумабаеванын жасалма токтомдору менен жеке менчикке Кадастрдан каттатып, 20 миң доллардан саткан.

6. Коррупционер Капаров убагында Ишкаван айылында 5 га Аэропорт жери мыйзамсыз жеке менчикке өтүп кеткен. Азыркы күнү Аэропорт алдына таштандылар атайын токтурулуп, Капаров таштандыларды  атайын алдырбай, ал жер таштанды, пайдаланылбай турган жер деп, 1 сотигини 20 миң доллардан сатууга даярдап жатат.

7. Капаров көптөгөн айыл чарба багытындагы суулу жерлерди максаттык багытын коммерция жерлери багытына коомдук талкууларсыз, мыйзамсыз, өзгөрткөн. Иштен кетишинен алдын жана кийин чоң параларды алып, 2020-2021 жылдары мыйзамсыз көп токтомдорду чыгарган.

8. Мисалы үчүн, Жаңы-Турмуш айылынын Достук участкасы (“Достук” чек арасы алдында) бак-дарак жерин коммерция багытына өзгөрткөн. Бирок, ал жер жогорку басымдагы газ түтүгү коргоо аймагында жайгашкан болуп, Өзбекстандан жогорку басымдагы газ түтүгү өткөн. Ошондой эле, Ош областтык айлана-чөйрөнүү коргоо башкармалыгынын уруксатысыз жүздөгөн

дарактарды кесип жиберип, мыйзамсыз уруксаттар алып, капитал курулуштар куруп жатышат.

9. Ш. Капаров жарандарга берген жер тилкелерин тизмесин Кара-Суу райондук Кадастр базасынан толук текшерсе Кызыл-Кыштак айыл аймагында жер тилкелерди сатуу жана сатып алуу келишимдерин 90 % же болбосо миңдеген жер тилкелери Жолонов Ахмадали аркылуу катталып сатылган. Мамлекет бекер берген жер тилкелер Капаровдун УКТ (ОПГ) тарабынан 10 миң доллардан 40 миң долларга чейин сатылганын эске алсак, А.Жолонов мамлекет эсебинен мыйзамсыз 20-30 миллион долларга байыган болот. Бирок, А.Жолоновдун короосунун дубалдары, дарбазасы жок байкуш адам. Ал Ш.Капаровдун жана желдети Алмаз Нуржановдун кылмыш аракеттери үчүн “ширма-подставное лицо”. Алар А.Жолоновдон пайдаланып Кызыл-Кыштактын миңдеген жер тилкелерин Капаровдун токтомдору жана мурдагы айыл өкмөт башчыларын жасалма токтомдорун негизинде сатышып, мамлекет эсебинен 20-30 миллион долларга мыйзамсыз байыган көпөстөр. Суроо туулат алар мыйзамсыз жер бизнеси менен алек болгону үчүн мамлекетке канча салык жана төлөмдөр төлөгөн? Ошондой эле, Ш.Капаров түзгөн уюшкан кылмыштуу топтун башка мүчөлөрү бар. Алар: Нуржанов Алмаз, Маматалиев Аскар, Шахабидин Капаров, Замир Абдугапаров жана башкалар. Алар мамлекет эсебинен уурдаган акчаларын жаап жашырып, тергөөдон качып, Кыргызстандан чыгып кетуу коркунучу бар. Кызыл-Кыштак айыл аймагынын бюджетин Капаров жеп ичкени жөнүндөгү арыздарды мурда бергенбиз. Ошондуктан Ш.Капаровдун УКТ мүчөлөрүн тезинен камап, мамлекетке келтирген 20-30 миллион доллар зыянды бюджетке төлөтүү керек.

10. Ош облусунун губернатори Ж.Абдураимов КР Президенти С.Жапаровдун: “Аймактарда жаңы иш орундары ачылып, айыл эли иш менен камсыз кылынсын” деген тапшырмасын аткаруу максатында Ишкаван айылында 4 кабаттуу имаратта этти кайра иштетуучу завод ачылышы үчүн инвесторлорду тартып жатат. Бирок, Капаров Президент  С.Жапаровдун аймактарда жаңы иш орундары тузуу жөнүндөгү мамлекеттик саясатына түкүрүп, ал имаратты 450 кв.м. отканасында кумаркана уюштуруп, кумаркана жабылсын деп соттордун токтомдору чыккан болсо дагы, кумаркананы жаббай, ал имаратты кумарканага ижараге берүү үчүн документтерди даярдап жатат.

11. Капаровдун тууганы А.Маматалиев муниципалдык менчиктеги 450 кв.м. имаратта мыйзамсыз кумаркана уюштурган. Кара-Суу райондук Сотунун 13.08.2020 ж., Ош облусунун административдик Сотунун 15.09.2020 ж. чечимдери жана Ош областтык Сотунун жарандык жана экономикалык иштер боюнча соттук коллегиясынын 12.11.2020 ж. АО 05-764/20 аныктамасы менен бошотуушу каралган. Бирок, А.Маматалиев опузалап Сот токтомдорун мыйзамсыз аткарбай жатат. Ошондой эле, райпрокурор Айтикулов Капаров жана А.Маматалиевди КР КЖК 212 бер.1,2 бөл. менен кылмыш жоопкерчилигине мыйзамсыз тартпай жатат.

12. Капаровдун табакташы эки жолу соттолгон криминал С.Мамарзаев Кара-Суу райСотунун 27.10.2020 ж. №ГД-1098/20-О3 чечими менен мыйзамсыз ээлеп алган жалпы пайдалануудагы жол-тротуарды бошотуушу каралган. Бирок, эки жолу соттолгон криминал С.Мамарзаев опузалап Сот токтомун мыйзамсыз аткарбай жатат. Ушул күнгө чейин райпрокурор Айтикулов Маматалиев жана Мамарзаевди муниципалдык менчиктен чыгаруу жана келтирген өтө ири өлчөмдөгү зыянды төлөтүү боюнча сотко доо арыздар берген эмес. Жогоркулардын негизинде Сизден суранабыз:

1) Кызыл-Кыштак айыл өкмөтүнүн мурдагы башчысы Капаровду 145, 186, 205, 209, 215, 231, 234, 319, 320, 321, 322, 323, 329, 331 Коррупция беренелери менен жана УКТ (ОПГ) мүчөлөрүн кылмыш жоопкерчилигине тартуунузду.

2) Жемкор Капаров тарабынан мыйзамсыз сатылып кеткен соцобъект жерлери жана башка жер тилкелер мамлекеттик менчикке кайтаруунузду.

3) Кара-Суу райондук прокурору М.Айтикулов Маматалиев жана Мамарзаевди муниципалдык менчиктен мажбурлап чыгаруу боюнча сотко доо арыздар берүүсүн көзөмөл кылып берүүнүздү.

4) 85 гектар жер калктуу конуштардын категориясына өткөрүү (трансформация) жөнүндө КР Өкмөтү тарабынан чечим кабыл алууну убактылуу токтотуп берүүнүздү.

5) КР Конституциясынын 33 беренеси жана “КР мамлекеттик органдарынын жана жергиликтүү өзалдынча башкаруу органдарынын карамагында турган маалыматтарга жетүү жөнүндө” КР мыйзамынын талаптарын негизинде Кызыл-Кыштак айыл өкмөтүно караштуу айылдарынан жеке менчик турак-жай куруу үчүн 2012-2021 жылдары аралыгында берилген жер тилкелерин жана муниципалдык жер тилкелерди алган жарандардын тизмесин, токтомдордун көчүрмөсүн жана ошол жерлерге жасалган Кызыл китептер, АПЗ жөнүндөгү маалыматтарды Кара-Суу райондук Кадастр жана райондук архитектура тарабынан алып берүүнүздү суранабыз.

О.Д. Токторалиева,                          Г.М. Мирзакаримова, 28 февраль 2021 ж.