Խոշոր կադրային փոփոխություններ Ռուսաստանում

Ռուսաստանի մաքսային ծառայության ղեկավար Անդրեյ Բելյանինովը, որի տներում խուզարկություններ են իրականացվել ալկոհոլի ապօրինի ներկրման գործի քննության շրջանակում, հրաժարական է ներկայացրել: Նրան փոխարինել է Հյուսիսարևմտյան տարածքում Կրեմլի ներկայացուցիչ Վլադիմիր Բուլավինը:


Բացի այդ, նախագահ Վլադիմիր Պուտինի հրամանագրերով փոխարինվել են մի շարք նահանգապետեր և դաշնային տարածքներում Ռուսաստանի նախագահի ներկայացուցիչներ:


Գործակալությունները նշում են, որ այս կադրային խոշոր փոփոխությունները տեղի են ունենում սեպտեմբերին անցկացվելիք խորհրդարանական ընտրություններին ընդառաջ: