Андижонлик тадбиркорлар оиласи ўзлари қуриб битказган икки қаватли тикув цехи “ноқонуний қурилгани” важи билан маҳаллий ҳокимият ва прокуратура талаби билан бузилаётганидан Озодликка арз қилди. Андижон вилояти Пойтуғ шаҳрида жойлашган бу бинони аукционда сотиб олганини гапирган избосканликлар унда ишлаб чиқариш корхонаси ташкил этиш ва 30га яқин одамни иш билан таъминлашни режалаштирганидан гапирди.
