«Морҗа ябык булган». 14 яшьлек кызлар авыл мунчасында үлгән
Саратов өлкәсендәге Ивановка авылында 21 апрельдә фаҗига була. Биредә 2 бала мунчада үлә. Бу турыда РЕН ТВ хәбәр итте.
Төбәк буенча Тикшерү идарәсе җинаять эше ачкан.
Якынча белешмә буенча, утын ягыла торган мунча миче белән сак эш итмәү аркасында, мунчада углерод окисе җыела. Мичнең морҗа капкачы ябылган була. Шулай итеп 14 яшьлек кызларның гомере өзелә.
Ведомство белешмәсе буенча, хәзер фаҗига сәбәпләрен белгечләр ачыклый. Гаепле кешене эзлиләр. Экспертизалар билгеләнгән, диелә хәбәрдә.