Новости за 03.02.2020

Лондондо көчөдөгү элге бычак менен кол салган адамдын тек-жайы аныкталды. Ал 20 жаштагы Судеш Амман болгонун полиция билдирди. 2-февралда Британиянын баш калаасынын Стритхэм районунда жан кечтинин курун тагынган адам көчөдөгү адамдарга бычак менен кол салып, үч адам жабыркаган. Окуя болгон жерге келген полиция кылмышкерди атып өлтүрдү. Судеш Амман 2018-жылы террорчулукка байланыштуу кесилип, жакында эле абактан чыкканы маалым болду. Ал мөөнөтүнөн мурда эркиндикке чыкканына байланыштуу кол салган маалда да полициянын көзөмөлүндө болгон. Читать дальше...

АКШнын мамкатчысы Майк Помпео Ооганстанда тынчтык орнотуу боюнча келишимге кол коёрдон мурун «Талибан» кыймылынан өлкөдөгү зомбулуктун деңгээлин азайтары тууралуу «ишенимдүү далилдерди» талап кылды. Бул тууралуу Помпео 3-февралда Өзбекстанда өткөргөн басма сөз жыйынында билдирди. Анын айтымында, буга чейин мунаса табыларга аз калганда талибдер тынчтык орнотуу боюнча олуттуу ниетин далилдей албай койгон. - Биздин бул талабыбыз алардын эркин жана зордук-зомбулукту, коркунучуту азайтууга болгон жөндөмүн көрсөтөт. Читать дальше...

Бул тууралуу оорулардын алдын алуу жана мамлекеттик санитардык-эпидемиологиялык көзөмөлдөө департаментинин башчысы Абдукадыр Жороев "Азаттыкка" билдирди. Анын айтуусунда, Кытайдан келген бардык жарандар толук көзөмөлдө турушат: - Кытайдан келген 18 студент шаар сыртындагы атайын жугуштуу оорулар бөлүмүнө жайгаштырылды. Саламаттыгы жакшы. Оорунун белгилери байкалган жок. Алар 14 күндүк инкубациялык мөөнөт учурунда изоляцияда болушат. Ал эми Кытайдын жарандарынан оорунун эч кандай белгилери табылган жок... Читать дальше...

2015-жылы парламенттик шайлоодо жеңип чыккан партиялар ошол кезде берген убадаларынын 20% да аткара элек.

Бул тууралуу Мамлекеттик каттоо кызматынын басма сөз катчысы Адилет Бейшеналиев "Азаттыкка" кабарлады. Айтымында, орусиялык сайттарда Кыргызстандын эски үлгүдөгү ички паспортторун сатып жатат деген маалымат чындыкка дал келбейт: - Жасалма. Кадимки пластикке сүрөттөрдү тартып, каалаган фамилияны жазып, жасап беришет. Алар кандайдыр бир уурдалган же бизден чыгып кеткен мыйзамдуу паспорттордун бланкы деп түшүнбөө керек. Адилет Бейшеналиевдин сөзүнө караганда, Орусияда жасалма паспортторду даярдаган шылуундар Кыргызстандын гана эмес... Читать дальше...

Кой-Таш окуясы боюнча коомдук комиссиянын мүчөсү, адвокат Жамангул Жунусов комиссия бир жактуу иштегендиктен андан чыгып кеткенин «Азаттык» менен болгон маегинде билдирди: - Себеби окуянын чоо-жайы толук иликтенген эмес, комиссиянын корутундусунун долбоорунда мурунку президент Алмазбек Атамбаев жана анын тарапкерлери айыптуу болуп чыга келген. Бул тергөө кызматтарынын аларга оңой эле айып коюшуна көпүрө болуп берет. Жамангул Жунусов мурунку президент Алмазбек Атамбаев мыйзамсыз кармалып турат... Читать дальше...

Нур-Султанга биринчи жолу келген АКШнын мамкатчысы Майк Помпео Казакстандагы өзгөрүүлөрдү кубаттады.

Кылмыш ишинин материалдары жоголуп кетип, аялдардын абагында 11 жылдан бери өкүмү жок эле жазасын өтөп жаткан аял сот залынан 30-январда бошотулду. Ишти Токмок шаардык соту караган. Акыйкатчынын басма сөз катчысы Барно Сабированын «Азаттыкка» билдиргенине караганда, аял абакта 2008-жылдан бери жазасын өтөп жаткан. - Токмок шаардык соту 2008-жылы 14-июнда Э.К. аттуу аялды күнөөлүү деп таап, 25 жылга эркинен ажыраткан. Ал эми Чүй облустук соту ошол эле жылы 9-сентябрда бул чечимди жокко чыгарып, ишти кайра кароого жөнөткөн. Читать дальше...

2-февралда Бишкекте Кыргыз либерал-демократиялык партиясынын (КЛДП) тушоосу кесилди. Партия негизги ураанын «жаңылануу» деп атап, өлкөдөгү коррупцияга жана бийликке умтулган криминалдашкан олигархтарга каршы күрөшөрүн жарыялады.

Бишкектеги Биринчи май райондук сотунун сот аткаруучусу жок кылууга жиберилген өрдөк этин сатып жибергени белгилүү болду. Бул тууралуу Улуттук коопсуздук боюнча мамлекеттик комитетинин (УКМК) басма сөз кызматы кабарлады. УКМКнын коррупцияга каршы күрөш кызматы аныктагандай, былтыр 23-май күнү Биринчи май райондук соту аткезчилик менен алынып келген 70 тонна өрдөк этин жок кылуу тууралуу чечим чыгарган. Чечимди жүзөгө ашыруу сот аткаруучу С.Н.Ага жүктөлгөн. Бирок Коррупцияга каршы күрөш кызматы ал кызматкер этти жок кылбай эле... Читать дальше...

Кытай бийлиги Шинжаң-уйгур автоном районундагы лагерлерде кармалгандардын бир бөлүгүн фабрикада иштөөгө мажбурлап жатат. Бул тууралуу «Эркин Азия» радиосу Кытайдагы атын атагысы келбеген расмий өкүлдөргө таянып жазып чыкты.

3-февралга оогон түнү саат 3:30 чамасында Ош-Мырза-Аке жолунда «Lexus» автоунаасы жол боюндагы зым карагайды сүзүп, өрттөнүп кеткен. Натыйжада андагы жети кишинин баары мүрт кеткен.  Өзгөчө кырдаалдар министрлигинин маалыматына караганда, өрттөнгөн машинени дээрлик бир сааттан кийин гана өчүрүүгө мүмкүн болгон. Учурда кырсыктын себептери иликтенүүдө. (ZKo)

Хабибулла Абдукадыр - Кытайдан чыккан ишкер. Абдукадырдын үй-бүлөсү Борбор Азияда жүз миллиондогон долларлык көмүскө карго империясын түзгөн. Кыргызстандан бир нече жылда чыгарылган күмөндүү каражаттын ичинде чет өлкөдө мүлк алууга да которулган акча бар. Бул маалыматты Улуттук коопсуздук боюнча мамлекеттик комитет (УКМК) ырастады.

31-январда Трамптын администрациясы Кыргызстан, Мьянма, Эритрея, Нигерия, Судан жана Танзания мамлекеттеринин жарандарына иммиграциялык жана грин-карт визаларын алууга чектөө киргизди.

Чет өлкөлөрдөгү мигранттардын Кыргызстанга которгон акчасы азайды. Улуттук банк 2019-жылы бул көрсөткүч кеминде 11% азайганын билдирди.

Ички иштер органдарынын кызматкерлеринин маянасы 2020-жылдын 1-январынан баштап 40% жогорулады. Бул тууралуу маалымат ИИМден алынды.  Ага ылайык, буга чейин бир кызматкердин айлык маянасы орточо эсеп менен 11 миң сом болсо, эми ал 19 миң сомду түзөт.  Ошондой эле убактылуу батирде турган кызматкерлерге акча төлөнөт. Эгерде Бишкек шаарында батирде турса 9 миң сом, аймактарда 7 500 сом берилет. 2020-жылдын 3-февралынан баштап ички иштер органдарындагы кызматкерлер келишим менен иштешет.

30-январда «Адилет» укуктук клиникасынын жетекчиси, экс-депутат Чолпон Жакупова 29-январда Бишкекте өткөн жыйындагы окуя боюнча милицияга арыз менен кайрылган. Каktus.media сайты Свердлов райондук ички иштер бөлүмү укук коргоочунун арызына байланыштуу Жазык кодексинин 226 -беренеси («Бейбаштык») менен сотко чейинки өндүрүшкө алынганын жазды.  29-январда «Адилет» укуктук клиникасы өкмөттүк эмес уюмдардын ишин катаалданткан мыйзам долбоорун талкуулаган чогулуш өткөргөн. Укук коргоочу өз арызында ошол жыйынга белгисиз адамдар келип... Читать дальше...

Нарын шаарында 31-январда башталган чемпионаттын биринчи айлампасы 2-февралда аяктады. Бул тууралуу уюштуруучулар кабарлашты. Анда үч команда күч сынашты. Белгилүү себептер менен Жумгал районунун командасы келе албай калды. Бишкек шаарынан «Дордой» жана «Кыргыз темир жолу» командасы барган. Жыйынтыгында «Нарын шумкарлары» «Кыргыз темир жолу» командасын 10:6 эсебинде утту. «Дордой» «Кыргыз темир жолу» командасын 8:0 эсебинде жеңип алса, «Нарын шумкарлары» «Дордойго» 1:15 упай менен утулуп калды. Читать дальше...

Кыргыз либерал-демократиялык партиясы (КЛДП) парламенттик шайлоодогу 9 пайыздык босогону азайтууну бийликтен талап кылат. Бул тууралуу партиянын теңтөрагасы Сейтек Качкынбай маалымдады. Ал КЛДПнын бет ачарында бул талап партиянын алдыдагы негизги иштеринин бири экенин белгиледи:  - 9% чек бул өтө чоң. Бул 180 миңдей добуш экен. Эгер 170 миңдей добуш алып калсаң, 10 миңдей добуш жетпей калса, 180 миң кишинин добушу талаада калабы? Муну өзгөртүүнү талап кылабыз.  Партия шайлоо мыйзамдарын түп-тамырынан бери өзгөртүп... Читать дальше...