Новости за 20.02.2022

Саламаттык сактоо министрлигинин бүгүнкү, 20-февралдагы маалыматына караганда, кечээтен бери Кыргызстанда бул инфекциядан эки адам каза болду. Жалпысынан өлкөдө коронавирустан көз жумгандардын расмий саны 2944 адамга жетти. Соңку бир күн ичинде вирус менен дагы 35 адам катталды. Алардын эң көбү Бишкек шаарында (19 адам). Өлкөдө коронавирус жуккандардын расмий катталган саны 200 миңден ашты. Кыргызстанда COVID-19дун төртүнчү толкуну башталганы 12-январда расмий айтылган. 19-январда катталгандар 870ке жеткен. Читать дальше...

Германиянын канцлери Олаф Шольц Иран өкмөтүн 2015-жылдагы өзөктүк макулдашуу боюнча сүйлөшүүлөргө тоскоолдук жаратпоого чакырды. 19-февралда Мюнхенде коопсуздук боюнча конференцияда сүйлөп жатып ал “Иран бийлиги чечим кабыл алуу үчүн чечүүчү учур келди” деп айтты. Шольц он ай мурда өткөн сүйлөшүүлөрдөн бери аныкталган “элементтер стол үстүндө даяр турганын” белгилеп, Иран уранды байытуусуy Бириккен Улуттар Уюмунун ядролук агенттигинин көзөмөлүсүз уланта турган болсо  мындай жагдай дүйнөлүк державалар үчүн “кабыл алгыс” болорун айтты. Читать дальше...

Украинанын президенти Владимир Зеленский 19-февралда Батыш лидерлеринин Орусияны абалды чыңалтууну токтотууга үндөгөн чакырыктарына кошула  турганын билдирди. Германиянын Мюнхен шаарында өткөн коопсуздук боюнча жыйында ал Украина өз жерин өнөктөштөрү менен да, аларсыз да коргой турганын айтты. Анын алдында Зеленский АКШнын вице-президенти Камала Харрис менен жолукканда ал Орусиянын Украинага кандай гана кол салуусу болбосун, жооп катары НАТОнун чыгыш тарабы бекемделерин жана Москва болуп көрбөгөндөй чыгымга учурай турганын билдирген. Читать дальше...

Москвадагы “Сахарово” миграциялык борборунда Евразия экономикалык биримдигине (ЕАЭБ) мүчө мамлекеттердин жарандары үчүн өзүнчө өткөрмө  ачылды. Кыргызстандын Тышкы иштер министрлиги (ТИМ) билдиргендей, аталган борбордо 19-февралдан тартып “2А” деген өзүнчө өткөрмө бөлүмү ачылып иштей баштады. “Бул чара Кыргызстандын жарандарына узун кезекти айланып өтүп, миграциялык борбор көрсөтүүчү кызматтардан (медициналык кароодон өтүү, манжа изин каттоо, сүрөткө тартуу, каттоо ж.б.) тез өтүүгө жеңилдик берет. Читать дальше...

Кыргызстанда 23-февраль, шаршемби быйыл дем алыш күн болот. Бул тууралуу Эмгек, социалдык камсыздоо жана миграция министрлиги 18-февралда билдирди. Өлкөнүн “Эмгек кодексине” ылайык, 23-февраль – Мекенди коргоочунун күнү. Бул күн дем алыш жана майрам болуп эсептелет. Ошону менен катар министрлик өкмөттүн январдагы эс алуу күндөрү боюнча токтомуна ылайык, 5-январдагы дем алыш үчүн 26-февраль, ишемби быйыл иш күнү болорун эскертти. (RK)