Новости за 22.02.2022

Парламенттеги Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин регламенти комитети юрист, Борбордук шайлоо комиссиясынын төрайымынын мурдагы орун басары Атыр Абдрахматованынын талапкерлигин акыйкатчы кызматына көрсөтүүгө макулдук берди. Мунун алдында анын талапкерлигин "Ата-Журт - Кыргызстан", "Ишеним", "Ынтымак" жана "Бүтүн Кыргызстан" фракциялары жактырган эле. Буга чейинки акыйкатчы Токон Мамытов былтыр октябрда парламенттик шйлоого катышканына байланыштуу кызматынан кеткен. Читать дальше...

Бул тууралуу 22-февралда Жогорку Кеңештин Укук тартиби, кылмыштуулук менен күрөшүү жана коррупцияга каршы аракеттенүү комитетинин жыйынында Ички иштер министрлигинин Жол кыймылынын коопсуздугун камсыздоо башкы башкармалыгынын жетекчиси Азамат Исраилов билдирди. Ал ушул тушта машинелердин айнегин караңгылатууга уруксат берүүнүн жол жобосун мекемелер аралык жумушчу топ даярдап жатканын маалымдады. "Биз ар кандай ыкма менен санап көрдүк. Биз мисалы, жылына айнегин мыйзамсыз караңгылатып алган үч миңдей учурду аныктайт экенбиз. Читать дальше...

АКШнын президенти Жо Байден өздөрүн “Донецк Элдик Республикасы” жана “Луганск Элдик Республикасы” деп атап алган жикчил түзүмдөргө каршы санкция салды. Тиешелүү жарлык Ак үйдүн сайтында жарыяланды. Документ Кошмо Штаттардын жарандарына аталган эки аймактын экономикасына инвестиция салууга тыюу салат. Мындан сырткары бул жерлерге түз жана кыйыр товар алып кирүүгө жана алып чыгууга уруксат жок. Жарлык ошондой эле “ДЭР” жана “ЛЭР” түзүмдөрүндө иштеген бардык жарандарды камтыйт. Алар менен байланышы бар адамдардын АКШдагы мүлктөрүнө бөгөт коюлат.

Ички иштер министрлиги балдарга карата зомбулук быйыл 1,5 айда былтыркыга салыштырмалуу дээрлик 50% көбөйгөнүн кабарлады. Жаңыртылган "Балдар кодексин" кабыл алуу менен зомбулуктун алдын алууга болобу? Бишкектин тургуну Русландын 7-класста окуган уулун 11-февралда шаардагы маршрутка айдаган 41 жаштагы адам шериги менен кошо паркка алып барып, сабап койгон. Тестиер башынан оор жараат алып, ооруканада жатып чыкканына бир нече күн болду. Милиция баланы сабагандарга тиешелүү чара көрбөгөндүктөн... Читать дальше...

"Сыябан" подкастынын кезектеги коногу - Кыргыз Республикасынын эл артисти Гүлсара Ажибекова. Маекте актриса өзүнүн тагдыры, доор алмашкан мезгилдин таасири, муундар ортосундагы айырмачылыктар, өнөрдөгү өксүктөр жана өсүштөр тууралуу ойлору менен бөлүштү.

Жогорку Кеңештин сайтында мугалимдерди мазактагандарды жазага тартуу камтылган мыйзам долбоору коомдук талкууга коюлду. Анын негиздемесинде мугалимге окуучулар менен катар алардын ата-энелери жаман сөз айтып, адепсиз мамиле жасап, кордоп тийишкен, мазактаган, атүгүл кол салган окуялар көбөйгөнү жазылган. Мунун баары педагогдун коомдогу өзгөчө укуктук макамынын төмөндөшүнө алып келгени белгиленген. Эгер мыйзам колдоо таап, кабыл алынса, жаза катары 2 же 3 миң сом айыппул салынат. Мындай жорук... Читать дальше...

Оштогу “Т-Медиа” редакциясы өздөрүнө коркутуу болгонун билдирип чыгышты.   Редакцинын маалыматына караганда, 19-февралда түштөн кийин кызматтык телефонго белгисиз адам чалып, редакциянын кызматкерлери тууралуу маалымат сураган. Телефонго жооп берген басылманын кызматкери Аймээрим Дарбанбекова анын ким экендигин, кандай максатта чалып жатканын сураган учурда “мен силерди билем, кеңсеңерди өрттөп кетем” деп коркуткан. “Т-Медиа” редакциясынын директору Жаныбек Деркенбаев ошол эле күнү Ош шаардык ички иштер башкармалыгына арыз менен кайрылган. Читать дальше...

«Сыябан-маектин» кезектеги чыгарылышынын коногу - Кыргыз Республикасынын эл артисти Гүлсара Ажибекова. Маекте актриса өзүнүн тагдыры, доор алмашкан мезгилдин таасири, муундар ортосундагы айырмачылыктар, өнөрдөгү өксүктөр жана өсүштөр тууралуу ойлору менен бөлүштү.

Эл аралык OCCRP уюму жана өнөктөш чет өлкөлүк басылмалар Швейцариядагы эң ири банктын кардарларынын маалыматтарын ачыкка чыгарды. Алардын арасында Казакстандын президенти Касым-Жомарт Токаевдин мурдагы жубайы жана уулу, экс-президент Нурсултан Назарбаевдин үй-бүлө мүчөлөрү бар экени айтылат.  Токаевдин үй бүлөсүнүн миллиондору “Уюшкан кылмыштуулукту жана коррупцияны иликтөө долбоору” (OCCRP) жана Vlast.kz интернет басылмасы президент Токаевдин үй-бүлө мүчөлөрүнүн офшор зонада катылган "байлыгы" тууралуу иликтөө жарыялады. Читать дальше...

"Улуттук энегохолдинг" мамлекеттик компаниясы Токтогул суу сактагычында сууунун көлөмү 8,4 миллиард метр кубга жеткенин, бул былтыр ушул маалга салыштырмалуу 1,5 миллиардга аз экенин билдирди. Ишкана мындан улам сууну үнөмдөө максатында, жарык берүү үзгүлтүккө учурабашы үчүн жарандарды электр энергиясын сарамжалдуу пайдаланууга чакырды. Былтыр март айынын аягында Токтогулдагы суунун көлөмү 8 миллиард метр кубга чейин азайган. Энергетиктер ушул тушта керектөөлөр өскөнүн эске алганда кыштан кийин... Читать дальше...

Баткенде 22-февралда Министрлер кабинетинин көчмө жыйынында Баткен облусундагы аэропортторго байланыштуу маселе көтөрүлдү. Министрлер кабинетинин төрагасынын орун басары Эдил Байсалов Баткен жана Раззаков (мурдагы Исфана) шаарларындагы аба майдандардагы каттамдардын санын көбөйтүү, учак күн сайын каттагандай болушу керектигин билдирди. Өкмөт башчы Акылбек Жапаров азыр учактар түнкүсүн коно албай турганын айтып, бул абалды оңдоону тапшырды. Жыйында Баткен шаарындагы аба майдандын учуп-конуу тилкесин... Читать дальше...

Учурда дүйнөнүн көңүл чордонунда болуп жаткан Орусия менен Украинанын ортосунда чатак чыгып кетсе Кыргызстанга кандай таасир этиши мүмкүн? Орусиянын бийлиги Украинанын чыгышындагы жикчилдердин “Донецк Элдик Республикасы” жана “Луганск Элдик Республикасы” түзүлүштөрүн көз карандысыз мамлекет катары тааный турганын жарыялады. Мындан кийин орус президенти Владимир Путин облустарга орус аскерлерин киргизүүгө буйрук берди. Кремлдин мындай аракетин Батыш кескин сынга алды. Вашингтон тараткан билдирүүдө... Читать дальше...

Президенттин Баткендеги өкүлү Абдикарим Алимбаев былтыр апрелдеги чек ара жаңжалында жабыркагандарга коомчулуктан атайын эсепке 123 миллион сомго жакын акча топтолгонун билдирди. Ал 22-февралда Министрлер кабинетинин көчмө жыйынында топтолгон каражатты бөлүштүрүү үчүн атайын комиссия түзүлгөнүн,  куралдуу кагылышта жабыркаган айылдарды калыбына келтирүү үчүн курулуш компанияларга 90 миллион сом которулганын маалымдады. "Ал эми жаракат алган жарандарга үч миллион сомдон ашык акча бөлүнгөн. Ошондой... Читать дальше...

Маданият, маалымат, спорт жана жаштар саясаты министрлиги “Анык эмес (жалган) маалыматтан коргоо жөнүндө” мыйзамды аткаруу жолдорун иштеп чыкты. Ага ылайык, арыз-даттанууларды Санариптик өнүктүрүү министрлиги алат жана жалган маалымат тараткан деген сайтты убактылуу жабуу менен алектенет. Документ кабыл алынганына жарым жыл болсо да аны ишке ашыруу жол-жобосу дагы деле так эмес. Жарандык коомдун, эл аралык коомчулуктун сын-дооматына карабай кол коюлган мыйзамдын иштеп кетиши башында эле күмөн жараткан. Читать дальше...

Жогорку Кеңештин спикери Талант Мамытов 21-февралда Москвада Орусиянын Федерациялык кеңешинин төрайымы Валентина Матвиенко менен жолукту. Кыргыз парламентинин басма сөз кызматы алар негизинен парламенттер аралык кызматташууну, алака-катышты өнүктүрүү жолдорун талкуулаганын билдирди. "Андан сырткары жолугушууда миграция тармагындагы кызматташуу маселелерине өзгөчө көңүл бурулду. Талант Мамытов Орусиядагы кыргызстандыктардын укуктук абалын жакшыртуу маселесине токтолуп, Валентина Матвиенкодон Кыргызстандын... Читать дальше...