«Крокус Сити Холл»да теракт вакытында яраланган 25 яшьлек егет компенсациядән баш тарткан
«Крокус Сити Холл»да теракт вакытында яраланган 25 яшьлек егет компенсациядән баш тарткан. Бу хакта «MSK1.RU» яза, дип хәбәр итә «Московский комсомолец».
25 яшьлек Андрей Галиевның әнисе сүзләренчә, улын дусты белән бергә янган түбәдән янгын сүндерүчеләр эвакуацияләгән, әмма зыян күрүчеләр исемлегендә улының исеме юк.
Һөҗүм итүчеләр Андрей эскалатор буенча икенче катка күтәрелгәндә ут ачканнар. Пуля Андрейның аягына тия, ә дустына тими.
Хастаханәдә Андрейга ашыгыч операция ясаганнар, ярасын теккәннәр. Аңа компенсация түләргә планлаштырмыйлар, чөнки егет үзе аннан баш тарткан.
Әнисе фикеренчә, ул моны юкка эшләгән, чөнки аңа һаман да хастаханәгә барырга туры килә, һәм бу акча гаиләдәге кайбер финанс проблемаларын хәл итәргә ярдәм итәр иде.
Хатын-кыз улының ни өчен акча алырга теләмәвен аңламаса да, ул аның бу карары белән горурлана.
Аның сүзләренчә, Андрей «бу акчаларны терактта әти-әнисе һәм балалары үлгәннәргә түләсәләр яхшырак булыр» дигән.