Ләйсән Гыймаева белән Булат Бәйрәмов кулларын «пешергән»

Булат Бәйрәмов белән Ләйсән Гыймаева еш кына кызыклы видеолары белән язылучыларының күңелен күтәреп тора.

Яңа видеода Ләйсән кайнар кәстрүльне кулы белән тотып өстәлгә күчерә, әмма тактага куя алмый. Кулы пешүенә чыдый алмыйча, имеш, колагын тота, кулына өрә, чиный.

Тыныч кына чәй эчеп утырган Булат ярдәмгә килә. Кәстрүльне куна тактасына куя һәм, торып, чыгып китә. Ул хатыны күрми торган бүлмәгә чыга һәм нәкъ Ләйсәнчә эшли – кулына өрә, колагын тота һәм чиный.