Белгеч үлемгә китерә торган төп авыруларны атады
Россиядә үлемнәрнең 80 проценттан артыгы йөрәк-кан тамырлары авырулары, яман шеш, хроник респиратор авырулар һәм шикәр диабеты белән бәйле. Бу хакта Бөтендөнья сәламәтлек саклау оешмасының Мәскәү офисы җитәкчесе Батыр Бердыклычев РИА Новости агентлыгына биргән әңгәмәсендә хәбәр итте.
Ул төп куркыныч факторларны атый: тәмәке тарту, алкогольне күп куллану, кан басымының югары булуы, тозны артык куллану, сәламәт булмаган туклану һәм пычрак һава.
Оешма вәкиле билгеләп үткәнчә, тәмәке тартуны чикләү чаралары һәм алкоголь куллануга каршы комплекслы чаралар россиялеләрнең гомер озынлыгына уңай йогынты ясаган.