Казанда баганага бәрелгән автомобиль икегә өзелгән
21 сентябрьдә Казанда Копылов урамында җитди юл-транспорт һәлакәте булган. Машина йөртү таныклыгы булмаган 21 яшьлек егет баганага бәрелгән, автомобиль икегә өзелгән. Егет хастаханәдә. Бу хакта «Татарстан-24» хәбәр итә.
Шәһәр Дәүләт автоинспекциясендә сөйләүләренчә, Audi йөртүчесе имин тизлек сайламаган, идарәне югалткан һәм башта бордюрга менгән, ә аннары яктылык баганасына бәрелгән. Бәрелүдән автомобиль икегә өзелгән.
Егетнең машина йөртү таныклыгы юк. Аны авыр хәлдә хастаханәгә алып киткәннәр. Машинада пассажирлар булмаган, диелә хәбәрдә.