Татарстанда танылган табиб Радик Новиков вафат булган

59 яшендә Татарстан Республикасының баш табиб-комбустиологы Радик Новиков вафат булды. Бу хакта Республика клиник хастаханәсе матбугат хезмәте хәбәр итә.

Новиков һөнәри юлын 1996 елда үлекле хирургия табибы-хирургы буларак башлый. Үз осталыгын даими камилләштереп, 2008 елда ул РКБның пешү җәрәхәтләре бүлеген җитәкли башлый. Хастаханәдә билгеләп үтүләренчә, ул югары квалификацияле табиб буларак танылган. Моның дәлиле — югары категорияле табиб һәм Татарстанның атказанган табибы исемнәре.

Моннан тыш, иҗтимагый оешмалар эшендә катнашып, Новиков Россиядә әлеге медицина юнәлешен үстерүгә дә зур өлеш керткән, дип яза «Татар-информ».

• Комбустиолог — авыр пешү җәрәхәтләрен (III–IV дәрәҗә), пешү авыруын һәм аны дәвалау буенча махсуслашкан хирург-табиб.