Jarabawar post UTME haramun ce – Adamu Adamu

–   Ministan Ilimi yace anyi sanarwan ne domin sake jaddada ma makarantu.

–   Ya nanata cewa JAMB da SSCE su zama abin lura kawai wajen bada admisho

–   Gwamnatin tarayya ta sake nanata haramta jarabawan post UTME na shiga makarantun gaba da Sakandare

Ministan Ilimi, Malam Adamu Adamu , ne ya fito yayi Wannan bayani , ya tabbatar da cewa an haramta yin ta a kasa ga baki daya. Game da jawabin da Jaridar Leadership ta samu, Malam Adamu yace yana sake nanatawa ne saboda makarantun gaba da sakandare su san Gwamnati da gaske ta ke.

Mataimakin Directan yada Labarun Ma’aikatar Ilimi, Ben Ben Goong ya saki jawabin :

 “ Saboda kawar da shakku , duk makaranta gaba da sakandare,wannan ya hada da jami’o’I , folyteknik da kwalejin ilimi su sani cewa JAMB kadai ne jarabawan da za’a bukata wurin dalibai masu neman admisho. Inda za’ayi nunawa,abinda za’a bukata shine kwalin sakandare,sakamakon JAMB,da kuma kowani jarabawa na tabbatar da cewa ba yan daba bane.Kuma nunawa ya kasance ba tare da ko sile ba ,kuma ayi da a lokacin da aka koma makaranta,saboda rage tafiye-tafiye.”

Ministan ya kara da cewa, halin da muke ciki a wannan kasan na fuskantar da dalibai yan shekarar karshe na jarrabawa iri iri na rudar da yara, cuta ne, kuma babu wani fa’ida .

KU KARANTA : Daliban jami’an Niger Delta sunyi korafi akan yajin aiki

Ba da dadewa ba,Jaridar Daily sun ta bada rahoton yadda wasu jami’o’i  sukayi ko oho da umurnin Gwamnatin tarayya akan haramcin.  Game da rahoton, Jami’o’in na amfani wani usulubi domin amsan kudi a hannun dalibai. An ce Jami’o’in ce dalibai su biya kudi domin wani nunawa kafin a bayar da admisho.

The post Jarabawar post UTME haramun ce – Adamu Adamu appeared first on Nigeria News today & Breaking news | Nigerian newspapers.