Bamu da alaka da Neja Delta Avengers- tsofaffin tsageru
Wasu gungun tsofaffin tsagerun Neja Delta a karkashin lemar kungiyar tsofaffin sojojin daji wato Former Forest Soldiers (FFS) masu lakabi da ‘Isaac Boro Last Born’ sun nisanta kansu daga zargin da jami’an tsaro ke yi na cewa wai suna da alaka da kungiyar yan ta’adda mai suna Niger Delta Avengers-NDA, wadanda suke fasa bututun mai a yankin Neja Delta.
Tsagerun Neja Delta
A lokacin da shugabansu ke magana, Janar O. Ibori a ranar litinin 1 ga watan agusta, ya bukaci gwamnatin tarayya da su taimaka wajen kawo zaman lafiya, kamar yadda jaridar Vanguard ta ruwaito.
Janar Ibori ya nisanta kungiyarsu daga ayyukan yan ta’addan Neja Delta Avengers, kamar yin garkuwa da mutane, sace sace da kuma fashe fashen bututun mai. Yace “mu tsofaffin tsageru ne, bamu tare da Avengers. Munyi mamaki da gwamnatin tarayya ta gaza zartar da yarjejeniyar da aka cimma bayan zaman sulhu da aka yi iri iri, duk da cewa mun ajiye makamai.
“tuni muka ajiye makamai, maimakon gwamnati ta cika mana alkawuranta na saka mu a cikin afuwan gwamnati, sai muka ji ta fara danganta mu da garkuwa da mutane da fashefashen bututun mai da Neja Delta Avengers suka aikata a yankin Arepo na Legas, wanda mu bamu san komai akan haka ba. Abinda kawai muke so shine a saka mu cikin tsarin afuwan gwamnatin tarayya, wanda shine cike makon alkawarin sulhu da aka yi.
“jami’an tsaro sun kona gidajen shuwagabanninmu guda uku akan alakanta su da aka yi das ace sacen mutane da aka yi a yankin Arepo, kuma tun daga wannan lokaci jami’an tsaro ke farautan mu. Wannan shine dalilin da yasa muke mika koken mu da cewa mu ba mu da alaka das ace sacen mutane, kuma bamu tare da yan Avengers, abin da muke nema kawai shine a saka mu cikin tsarin afuwan gwamnatin tarayya.
“gwamnati ta zabe tayi amfani da karfi da karfe maimakon amfani da laluma da zaman lafiya. Gwamnati ta kasa cika alkawarinta bayan zaman sulhu da dama da mukayi, amma mu kam mun yi alkawarin zaman lafiya, kuma ba zamu koma ruwa ba. A yanzu muna bukatan gwamnatin tarayya da su daina ci mana mutunci da mutuncin iyalanmu, harda kona mana gidaje, kuma su daina danganta mu da Avengers, soboda mu maus son zaman lafiya.”
The post Bamu da alaka da Neja Delta Avengers- tsofaffin tsageru appeared first on Nigeria News today & Breaking news | Nigerian newspapers 24/7.