Fayose ya buga da EFCC a bisa wannan dalili
Gwamna Fayose ya wasu jami’an hukumar EFCC tsare wata mata da ta yi kokarin cire wasu kudi daga asusun ajiyar da hukumar ta dakatar.
Matar wacce ake zaton cewa matar Cif Femi Fani Kayode ce tare da dan ta, rahotanni na cewa jami’an Hukumar EFCC sun tsaresu ne, amma wata sanarawa da Humkumar ta fitar da maraicen Ranar Litinin 17 ga watan Oktoba ta musanta cewa ta tsare wata, a hannu daya kuma tan zargin gwamnan da kokarin hana ta aikinta.
A cewar jaridar Vanguard, mista Wilson Uwujaren Kakakin EFCC, y ace Fayose ya kutsa cikin bankin tare da wasu ‘yan daba domin hana kama matar, yana mai cewa. “sabanin rahotannin daga wasu kafafen yada labarai na tsare wata mai suna Sonia Chikwendu a yau a kokarinta na cirar kudi a asusun ajiyar bankin Access da muka haramta cire kudi daga cikin shi.”
KU KARANTA KUMA: Buhari ya jaddada cewa aiki Aisha shine kula da shi
“jami’an bankin sun rike matar tare da sanar mana, amma ganin cewa lokaci ya kure, sai muka ba da shawarar cewa, a tsare matar a ofishin ‘yan sanda, a kuma bayar da belinta, sai dai ana cikin haka sai gwamnan jihar ya kutso bankin, da kuma karfin tsiya ya kwace matar, yana kuma ikirarin cewa hukumar ba ta da ikon tsare kowa a jihar.
A cikin asusunda ake zargin matar da kokarin cire kudi, da akwai kudi kimanin Naira sama da milliyan biyu, an kuma gano wasun kudin kimanin Naira biliyan1 da miliyan 1, a reshen bankin Zenith da ke jihar wanda duk na matar ce.
Gwamna Fayose da kuma Femi Fani Kayode duk suna gaban kotu da hukumar EFCC, a inda ta ke tuhumarsu da sama da fadi na miliyoyin Naira na yakin neman zaben tsohon shugaban kasa Goodluck Jonathan, da kuma kudin sayen makamai daga ofishin Sambo Dasuki.
The post Fayose ya buga da EFCC a bisa wannan dalili appeared first on Nigeria News today & Breaking news | Read Naij.com 24/7.