“ამნისტიას მხარს არ დავუჭერ, იმიტომ რომ პოლიტიკურ თანამდებობის პირებს და მე ეს ამნისტია არ გვჭირდება”

ამნისტიას მხარს არ დავუჭერ, იმიტომ რომ პოლიტიკურ თანამდებობის პირებს და მე ეს ამნისტია არ გვჭირდება, – ამის შესახებ პოლიტიკური გაერთიანება „საქართველოსთვის“ თავმჯდომარემ გიორგი გახარიამ თოქ -შოუების წამყვანებთან შეხვედრაზე განაცხადა.

მანვე აღნიშნა, რომ „ქართულმა ოცნებამ“ მიაღწია იმას, რომ 20 ივნისის შტურმის ორგანიზატორები დღეს შეიძლება, ამნისტირებულები გახდნენ.

„ჩემთვის მაგალითად, ის რომ შეთანხმების საგანი ამნისტიაა, კატეგორიულად მიუღებელია! მე დღეს, რა თქმა უნდა, ამნისტიას მხარს არ დავუჭერ, იმიტომ რომ პოლიტიკურ თანამდებობის პირებს და მე ეს ამნისტია არ გვჭირდება.

„ქართულმა ოცნებამ“ მიაღწია იმას, რომ 20 ივნისის შტურმის ორგანიზატორები დღეს შეიძლება, ამნისტირებულები გახდნენ და მათ ვიღაცამ სამუდამო იმუნიტეტი შესძინა, რადგან თურმე პოლიტიკური მართლმსაჯულების ნაწილი გახდა ნიკა მელია, რომელიც პირდაპირ მოუწოდებდა ადამიანებს პარლამენტის შტურმისკენ. დღეს ვიღაც გამოვა კიდევ და იტყვის, რომ გახარიაო „ნაციონალური მოძრაობის“ წისქვილზე ასხამდა წყალსო, ადამიანები, რომლებმაც ყველაფერი გააკეთეს იმისთვის, რომ საკუთარი პარტია დაეზიანებინათ. როგორ წარმოგიდგენიათ თქვენ 20 ივნისის საქმესთან დაკავშირებით მართლმსაჯულების აღსრულება?! იმ ხალხს, რომლებიც პოლიტიკური ლიდერების მოწოდებით ამ შტურმის ნაწილი იყვნენ და ის ადამიანები, ვინც ორგანიზატორები იყვნენ „ქართულმა ოცნებამ“ ამნისტია აჩუქა“, – განაცხადა გახარიამ.