გია ვოლსკი „ნაციონალურ მოძრაობაზე“: მათი დამოკიდებულება მიმდინარე პოლიტიკური პროცესებისადმი არის ერთადერთი …
„ნაციონალური მოძრაობის“ დამოკიდებულება მიმდინარე პოლიტიკური პროცესებისადმი არის ერთადერთი – ხელისუფლების ძალისმიერი შეცვლა და შეცვლილი ხელისუფლების მიერ მეორე ფრონტის გახსნა, – ამის შესახებ „ქართული ოცნების“ დეპუტატმა, გია ვოლსკიმ განაცხადა.
ამასთან, „ნაციონალურ მოძრაობაში“ თავმჯდომარის არჩევნების შეფასებისას, ვოლსკიმ განაცხადა, რომ აღნიშნულმა პარტიამ „პოლიტიკური გაერთიანების სახე დიდი ხანია დაკარგა“.
„ეს შეთქმულთა ჯგუფი ცდილობს განავითაროს სტრატეგიული გეგმა, რომელიც არ უკავშირდება მთავარ ნიშანს, რომელიც უნდა ახასიათებდეს პოლიტიკურ პარტიას – მას არ აქვს კონკრეტული გეგმა, პროგრამა, რომელიც ითვალისწინებს სხვადასხვა დარგების განვითარებას ჩვენს ქვეყანაში. მათი დამოკიდებულება მიმდინარე პოლიტიკური პროცესებისადმი არის ერთადერთი – ხელისუფლების ძალისმიერი შეცვლა და შეცვლილი ხელისუფლების მიერ მეორე ფრონტის გახსნა“, – განაცხადა გია ვოლსკიმ.