ოლექსი არესტოვიჩი: დროა რუსებმა ბარგი ჩაალაგონ
როდესაც უკრაინის შეიარაღებული ძალები მიუახლოვდებიან დროებით ოკუპირებული ყირიმის საზღვრებს, დაიწყება დარტყმები რუსეთის სამხედრო ობიექტებზე, – ამის შესახებ უკრაინის პრეზიდენტის აპარატის ყოფილმა მრჩეველმა, ოლექსი არესტოვიჩმა განაცხადა.
ოლექსი არესტოვიჩის თქმით, პირველი დაინგრევა ყირიმის ხიდი, რუსეთის შეიარაღებული ძალების ბაზა და შავი ზღვის ფლოტი.
„მე როგორც სამხედრო გეტყვით, რა მოხდება. მთელი ზეიმი დაიწყება, როცა ყირიმის საზღვრებს მივაღწევთ. დაიწყება ყირიმის ხიდიდან, რომ უფრო სახალისო იყოს, შემდეგ კი სტრატეგიული საწყობების, აეროდრომების დამუშავება დაიწყება. განადგურდება რუსული ჯგუფის სამხედრო ბაზები და ქარხნები“, – აღნიშნა არესტოვიჩმა.
მისი აზრით, კვირაში 10 დარტყმა იქნება.
არესტოვიჩმა ურჩია რუსებს, რომლებიც ოკუპაციის დროს ნახევარკუნძულზე არალეგალურად გადავიდნენ, სახლში დაბრუნებაზე იფიქრონ.
„მე უკვე ჩავალაგებდი ბარგს სანამ ყირიმის ხიდი ხელუხლებელია“, – აღნიშნავს არესტოვიჩი.
არესტოვიჩი მიიჩნევს, რომ ყირიმის დეოკუპაციის შემდეგ იქ განლაგებული რუსი ჯარისკაცების ნათესავები ტერიტორიას დატოვებენ.