საბა ბუაძე: …მათი მშენებლობა იქნება ურბანული გენოციდის გაგრძელება, რომელსაც „ქართული ოცნება“ და კალაძე ეწევა

დღეს გამოვიდა ქალაქში ბოლო დროის ყველაზე პრობლემური პროექტები, რომელსაც უპრეცედენტო მასშტაბი აქვს და თან ახლავს პრობლემები და რისკები როგორც ურბანული და სატრანსპორტო, ისე უსაფრთხოების კუთხით – მათი მშენებლობა და განვითარება თბილისში ცხოვრებას კიდევ უფრო მეტად გაუსაძლის გახდის, ეს იქნება ურბანული გენოციდის გაგრძელება, რომელსაც „ქართული ოცნება” და კალაძე ეწევა, – ამის შესახებ „ლელოს“ ერთ-ერთმა ლიდერმა საბა ბუაძემ განაცხადა.

მისივე თქმით, 2 მლნ. კვადრატული მეტრის განაშენიანება იგეგმება ქალაქის ყველაზე შეუსაბამო და პრობლემურ ადგილებზე.

„დღეს გამოვიდა ქალაქში ბოლო დროის ყველაზე პრობლემური პროექტები, რომელსაც უპრეცედენტო მასშტაბი აქვს და თან ახლავს პრობლემები და რისკები როგორც ურბანული და სატრანსპორტო, ისე უსაფრთხოების კუთხით. საბოლოო ჯამში, მათი მშენებლობა და განვითარება თბილისში ცხოვრებას გახდის კიდევ უფრო მეტად გაუსაძლისს, ეს იქნება ურბანული გენოციდის გაგრძელება, რომელსაც “ქართული ოცნება” და კალაძე ეწევა. ეს ხდება ერთი მიზეზით, არსებობს კონკრეტული კორუფციული ინტერესი და ყველა პრობლემური პროექტის უკან დგას ხმაურიანი სახელი და გვარი, რაც ერთგვარი ახსნაა იმისა, თუ რატომ აძლევენ ყველაფრის გაკეთების უფლებას ამ ადამიანებს. მთლიანობაში, 2 მილიონ კვადრატულ მეტრამდე მოცულობის მშენებლობის უფლების გაცემა იგეგმება ქალაქის ყველაზე შეუსაბამო და პრობლემურ ადგილებზე, ეს არის გმირთა მოედანი, ვაგონშემკეთებელი ქარხნის ტერიტორია, ჭავჭავაძე და დიდი დიღომი, სადაც მორატორიუმი უნდა გამოცხადდეს მშენებლობაზე”, – აღნიშნა ბუაძემ.