Шереметьево аэропорти ишчисига топиб олган пуллари буюрмади…
Россиянинг Шереметьево аэропортида фаррошлик қилувчи ўзбекистонлик эркак иш вақтида хоналарнинг биридан ичига пул солинган пакет топиб олганди. Пакетда жами 3, 6 минг доллар пул бор эди. У топилма ҳақида аэропорт маъмуриятига хабар бериш ўрнига ватанга жўнаб юбормоқчи бўлди. Бироқ улгурмади. Кузатув камералари бу пуллар Сеул-Москва-Санкт-Петербург йўналишидаги самолёт йўловчисига тегишли эканини кўрсатиб берди. Полициячилар фаррошни самолётга ўтириш палласида қўлга олишди. Пулларнинг ярми ўзида экан, қолган қисмини танишининг квартирасида қолдирган экан. Барчасини тортиб олишди.