Petr Cech: Xəyallarım gerçəkləşdi

Arsenal’ın və Çexiya milli yığmasının sabiq qapıçısı, hal-hazırda İngiltərənin Guildford Phoenix adlı yarı-peşəkar xokkey klubunda çıxış edən Petr Cech, öz müsahibəsində xokkey idman növündə debütü haqqında danışıb.

ONBİR Sky Sports nəşrinə istinadən müsahibəni sizlərə təqdim edir:

“Bu mənim üçün uşaqlıq arzusu kimi bir şey idi, hansı ki indi reallaşdı”.

Komandası üçün vacib penalti vuruşunu dəf edərək qalibiyyətdə pay sahibi olan 37 yaşlı qapıçı ümid edir ki, onun idman növünü qəfil dəyişməsi və paralel olaraq Chelsea’də texniki məsləhətçi vəzifəsində işləməsi cavan nəsilə idmanda məqsədə çatmaq üçün gözəl bir örnək olacaq:

“Mən belə düşünürəm ki, cavan bir oyunçu kimi sənin bir arzun varsa və sən bu arzunun arxasınca gedirsənsə, mütləq uğura nail olacaqsan”.