İngilislər rasistliyə məruz qaldılar: FA açıqlama verdi

İngiltərə yığmasının Bolqarıstanı Sofiyada keçirilən qarşılaşmada 6-0 hesabı ilə darmadağın etdiyi qarşılaşmada, futbolçular bolqar fanatlar tərəfindən iqrçiliyə məruz qalıb.

İrqçiliyə məruz qalanlar görüşdə iki qolun sahibi olan Raheem Sterling və milli yığmada debüt edən Tyrone Mings olub.

ONBİR Mirror`a istinadən xəbər verir ki, azarkeşlərin irqçi şüarlar səsləndirməsinə görə baş hakim görüşü iki dəfə müvəqqəti olaraq dayandırıb. Tyrone Mings köməkçi hakimlərin birinə: “hey, bu səsləri eşidirsən ?”- deyərək tribunadan meymun səsləri çıxardan azarkeşlərə işarə edib. Bir qədər sonra isə kapitan Harry Kane Sterling`ə qarşı olunan qayda pozuntusundan sonra oyunu dayandırıb.

Rasist şüarlara davam edən azarkeşlər arasında “Nazi (Faşist) Salamı” verənlərdə olub. Stadionda ingilis və bolqar dillərində “görüşün ləğv ola və ya təxirə salına biləcəyi” haqqında elan verilib.

Baş hakim, UEFA rəsmiləri, Gareth Soutgate və oyunçular arasındakı qısa müzakirədən sonra oyunun davam etdirilməsinə qərar verilib.

İngiltərə Futbol Assosiasiyası baş verən hadisə ilə bağlı açıqlama verib:

“Bu yolverilməz haldır, bütün dəstəyimiz irqçiliyə məruz qalan oyunçular və məşqçilər heyəti ilə birlikdədir.

Təəssüflər olsun ki, bu bizim oyunçuların başına gələn ilk belə hadisə deyil. Bu qəbildən olan davranışlar çox utancvericidir, biz UEFA`dan bu məsələni araşdırmağı tələb edəcəyik.”