Berlusconi: Milan’ı mənə qaytarın

Milan’ın eks-prezidenti iddia edir ki, əgər Milan ona qaytarılsa o klubu əvvəlki zirvələrə daşıya bilər.

ONBİR Footbalİtalia nəşrinə istinadən xəbər verir ki, Berlusconi Milan’ın hazırki vəziyyəti və rəhbərliyi haqqında danışıb.

O, həmçinin, klubun hazırki CEO’su Gazidis’in “Bizim əməyimiz danılmazdır, klubu Seria D’yə düşməkdən və tamamilə müflis olmaqdan biz xilas etdik” – sözlərinə də cavab verib:

“O, bu sözləri yalnız ayaqyoluna gedib qapını bağladıqdan sonra deyə bilər.

Milan’ı əvvəlki günlərinə qaytarmaq çox sadə və bir o qədər də qəliz məsələdir – klubu Don Silvio’ya geri qaytarmaq lazımdır.”

Xatırladaq ki, Silvio hələ də futbol biznesindədir, o Seria C’də çıxış edən Monza klubunun prezidentidir. Klubun CEO’su isə onun köhnə ortağı olan Galliani’dir.Bir neçə həftə öncə Berlusconi zarafat edərək öz klubu və Milan arasında yoldaşlıq oyununun keçiriləcəyi təqdirdə Monza’nın 3-0 hesabı ilə qələbə qazanacağını demişdi.