Tottenham Muriqi üçün təklif göndərəcək

Fenerbahçe`dəki uğurlu performansı ilə diqqətləri üzərinə çəkməyi bacaran Vedat Muriqi Jose Mourinho`nun maraq dairəsindədir. Uzun müddətdir ki, futbolçunu izləyən Tottenham təmsilciləri ən son oynanılan Gençlerbirliği matçında da Vedat`ı stadiondan izləyiblər. Vedat`ın 2 qol vurduğu matçdan sonra Fenerbahçe ilə təmasa keçən ingilislər tam olaraq transfer təklifi etməsələr də, oyunçu ilə maraqlandıqlarını və transfer ehtimalı haqda Fenerbahçe`yə xəbər veriblər.

Vedat Muriqi`nin sadəcə Fenerbahçe deyil, Rizespor performansını da analiz edən ingilislər qış transfer pəncərəsində oyunçu üçün transfer təklifi etmək niyyətindədir.

Qeyd edək ki, Fenerbahçe kosovalı oyunçu üçün ən az 20 milyon avro istəyir.