United qrup birincisi

Manchester United Avropa Liqasında növbəti mərhələyə qrup birincisi olaraq çıxdı. “Qırmızı Şeytanlar” Hollandiya təmsilçisi AZ Alkmaar`ı 10 dəqiqə içərisində 4 qol vuraraq məğlub etdi. Oyunda əsas diqqət çəkən məqam isə Tottenham və Manchester City üzərində alınan qalibiyyətlərdəki heyətdə 9 dəyişiklik edilmiş olmasıdır. Mason Greenwood,Chong,Brandon Williams,James Garner kimi akademiya futbolçuları bu görüşdə meydanda idilər.

Ole Gunnar Solkjaer oyunun ikinci hissəsində taktiki gedişdə və kollektivin oyun planında dəyişikliklərə getdi. Bu artıq İngiltərənin nüfuzlu mətbuat orqanlarında da geniş danışıq mövzüsu oldu. Belə ki, Ole`nin yetirmələri ilk hissədə olduqca qeyri stabil oyun nümayiş etdirdi. Fasilədə isə Phelan və Ole komandanı meydana daha fərqli oyun üslubu ilə çıxardı. Bu da United`in daha effektiv oynamasına münbit şərait yaratdı. 10 dəqiqə içərisində vurulan 4 qol həlledici oldu. İlin ən yaxşı akademiya futbolçusu seçilən 18 yaşlı Mason Greenwood həm sağ həm də sol ayaq ilə topu iki dəfə qapıdan keçirməyə nail oldu. Beləliklə Manchester United inamlı qələbə ilə adını qrup lideri kimi növbəti mərhələyə yazdı.