Klub futbolu koronavirusa görə 14 milyard dollar pul itirəcək

Koronavirus pandemiyasının dünya futboluna böyük zərbə vurduğu heç kimdə şübhə doğurmur.

ONBİR Sports.ru`ya istinadən xəbər verir ki, 2020-ci ildə klub futbolu 14 milyard dollar pul itirəcək. Qeyd olunur ki, ümumillikdə bazarın 40-45 milyard dollar dəyəri var. Bu isə o deməkdir ki, itki bazarın üçdə birini təşkil edəcək. Böhran əsasən Cənubi Amerika bazarına öz təsirini göstərib. Eyni zamanda, FIFA Afrika və Aziyada vəziyyətdən öz narahatçılığını bildirib.

FIFA böhranla mübarizə məqsədilə 1.5 milyard dollar pul ayırıb. Maliyyə köməyi almaq üçün Beynəlxalq Futbol Assosiyasiyaları Federasiyasının 211 üzvündən 150-si müraciət edib.

The post Klub futbolu koronavirusa görə 14 milyard dollar pul itirəcək appeared first on ONBİR.