Европа чемпионати нимчорак финал босқичидан ўрин олган навбатдаги ўйин ўз ниҳоясига етди. Унда Бельгия Португалиядан 1:0 ҳисобида устун келди. Биринчи бўлим якунида Торган Азарнинг жарима майдони ташқарисидан йўллаган аниқ зарбаси дарвоза тўридан жой эгаллади. Шу тариқа, Роберто Мартинес бошчилигидаги "қизил иблислар" чорак финал босқичига йўл олди. Энди улар ярим финал йўлланмаси учун Италияга қарши ўйин ўтказади. Бельгия – Португалия 1:0 Гол: 1:0 – 42 Азар. Бельгия – Куртуа, Алдервейрелд, Вертонген, Вермален, Менье, Азар, Тилеманс, Азар (Карраско, 87), Вицель, де Брюйне (Мертенс, 48), Лукаку. Португалия – Руй Патрисиу, Пепе, Диогу Далот, Рубен Диаш, Геррейру, Пальинья (Данилу Перейра, 78), Моутинью (Жоау Феликс, 56), Бернарду Силва (Бруну Фернандеш, 56), Саншеш (Сержиу Оливейра, 78), Диогу Жота (Андре Силва, 70), Роналду. Огоҳлантиришлар: Пальинья (45), Диогу Далот (51), Вермален (72), Пепе (77), Алдервейрелд (81).
