Англия терма жамоаси бош мураббийи Гарет Саутгейт Евро-2020дан сўнг янги шартнома ҳақида гапирди. "Ҳозир бу ҳақда ўйлашнинг пайти эмас деб ўйлайман. Биз Қатардаги ЖЧ-2022да иштирок этиш ҳуқуқини олишимиз керак. Ҳозирда менга Евро-2020 якунларини баҳолаш учун вақт керак. Дам олишим керак. Бу ажойиб тажриба бўлди. Мамлакат терма жамоасини бошқариш куч талаб қилади. Шу билан бирга қўллаб-қувватлашни ҳис қилиш - бу ажойиб. Мураббий сифатида сиз буни жуда қадрлайсиз. Мен жамоа билан Қатарга бормоқчиман. Тўрт йил давомида ўсишга эришганимизни ҳис қиляпман. Бизда тўртинчи, учинчи ўринлар бўлганди, ҳозир эса иккинчи", - дейди Саутгейт.
