Ny remis for Carlsen

Magnus Carlsen spelte remis med svarte brikker i parti to mot Jan-Krzysztof Duda i verdscupsemifinalen i Sotsji. Det utvidar sjakkoppgjeret med ein dag til.

Etter snautt fem timar ved sjakkbrettet vart rivalane samde om remis. Partiet hadde då komme opp i 65 trekk, medan det søndag vart poengdeling etter 32 trekk.

Duellantane står likt med eitt poeng kvar etter to strake remis. Tysdag går dei dermed frå langsjakk til hurtigsjakk for å kåre ein vinnar. Ved framleis poenglikskap held semifinalen fram med lynsjakk og eventuelt armageddon.