Utsett billettsal til VM-kampane

Det er enno uvisst kor mange tilskodarar som får sleppe inn på Ullevaal stadion når Norge møter Nederland og Gibraltar i september.

I utgangspunktet skulle første del av kampbillettane til dei to kampane i VM-kvalifiseringa blitt lagt ut i dag, men uvissa gjer at salet er utsett til onsdag i neste veke.

Dette gjeld både for Nederland-kampen 1. september og Gibraltar-møtet 7. september.

Fotballforbundet har spurt regjeringa om å få utnytte 75 prosent av publikumskapasiteten i september-kampane. Det vil sieie inntil 20.400 tilskodarar.

I dag er kapasitetsgrensa 7.000 tilskodarar på norske fotballarenaer på grunn av koronapandemien.