ПСЖ ҳали ҳам аргентиналик ҳужумчи Лионель Мессини сотиб олиш фикридан қайтмаяпти. Италиялик журналист-инсайдер Жанлука Ди Марцио тарқатган хабарга кўра, парижликлар аллақачон Мессининг вакиллари билан боғланишган. Яқин вақт ичида ПСЖ музокараларни кучайтириши айтилмоқда. Қайд этилишича, ПСЖ раҳбарияти Мессини ўз лойиҳасининг нақадар ажойиб эканига ишонтиришга умид қилмоқда. Эслатиб ўтамиз, "Барселона" молиявий муаммолар туфайли Месси билан янги шартнома имзолай олмади. Каталония клуби бу ҳақда ўзининг расмий сайтида маълум қилди.
