ОФК кубоги ҳудудий ярим финал учрашувида "Насаф" Ҳиндистоннинг "Мохун Баган" клубини 6:0 ҳисобида таслим этди. Энди "аждарлар" ҳудудлараро финал босқичида Гонконгнинг "Ли Ман" жамоаси билан беллашади. Ўйин 20 октябрь санасида бўлиб ўтади. Ушбу муваффақият орқали "Насаф" ОФК доирасидаги мусобақалар учун бериладиган квоталарга очколарни тақдим этмоқда. Маълум бўлишича, Ўзбекистон Ғарбий ҳудудда 2023 йилги мавсумда 2 + 2 квотасини олиш ҳуқуқини берадиган тўртинчи ўринни кафолатлаган.
