Mourinho transfer çalışmalarına erkən başladı

Jose Mourinho ilə çempionluq hədəfində olan, lakin birinci pillədən 12 xal geri düşən Roma transfer çalışmalarına erkən başlayıb.

ONBİR Nicolo Schira`ya istinadən xəbər verir ki, transferdə 1 nömrəli hədəf Denis Zakaria`dır.

24 yaşlı dayaq yarımmüdafiəçinin müqaviləsi cari mövsümün sonunda bitir. Buna görə də Borussia Mönchengladbach oyunçunu qış transfer pəncərəsində 5 milyon avroya satmağa hazırdır.

Roma`nın isə isveçrəli oyunçuya illik 3,5 milyon avrodan 5 illik saziş təklif etməsi gözlənilir.

Qeyd edək ki, İsveçrə millisinin üzvü də olan Denis Zakaria Bundesliga`nın cari mövsümündə çıxdığı 8 matçda 2 qol vurub və 1 məhsuldar ötürmə verib.