Բավարիան Ռյուդիգերին առաջարկել է կրկնակի ավել աշխատավարձ, քան նա ստանում է Չելսիում
Մյունխենի «Բավարիան» հետաքրքրություն է ցուցաբերում «Չելսիի» պաշտպան Անտոնիո Ռյուդիգերի նկատմամբ։
Մյունխենցիները կարող են գերմանացուն տարեկան 12 միլիոն եվրո աշխատավարձ առաջարկել՝ կրկնակի ավել, քան նա ստանում է «Չելսիում», գրում է Daily Mail-ը՝ Bild-ին հղումով։
«Բավարիան» արդեն կապ է հաստատել ֆուտբոլիստի գործակալի և եղբոր հետ։
Միաժամանակ, ինքը՝ Ռյուդիգերը, կնախընտրեր մնալ լոնդոնյան ակումբում, եթե «Չելսիի» հետ նոր պայմանագրով նրա աշխատավարձը բարձրանա։