Европа конференциялар лигаси гуруҳ босқич 5-туридан ўрин олган "Рома" - "Заря" учрашуви якунига етди. Унда майдон эгалари йирик 4:0 ҳисобида ғалаба қозонди. "Бўрилар" сафида Абрахам дубль қайт этди. Шунингдек, Заньоло ва Перес бир мартадан рақиб дарвозасини ишғол этди. Ушбу ғалабадан сўнг Моуриньо шогирдлари очколари сонини 10 тага етказиб олди. Улар айни дамда 2-ўринни банд этиб турибди. 6 очкога эга "Заря" эса 3-поғонани банд этган. "Рома" (Италия) – "Заря" (Украина) 4:0 Голлар: 1:0 – 15 Карлес Перес, 2:0 – 33 Дзаньоло, 3:0 – 46 Абрахам, 4:0 – 75 Абрахам. "Рома" – Руй Патрисиу, Карсдорп, Смоллинг (Рожер, 70), Манчини, Кумбула, Мхитарян (Миссори, 79), Верету, Дзаньоло (Шомуродов, 70), Абрахам (Майораль, 76), Карлес Перес, Эль-Шаарави (Залевски, 70). "Заря" – Мацапура, Фаворов, Вернидуб, Имереков, Леовижилдо (Снурницын, 71), Булеца (Кристиан, 83), Цвек, Громов (Назарина, 46), Сайядманеш (Овусу-Фримпонг, 83), Кабаев, Захеди (Гладкий, 46). Огоҳлантиришлар: Карсдорп (90), Манчини (90).
