Klæbo utklassa alle – tre norske på pallen

Johannes Høsflot Klæbo vann allereie i prologen på sprinten i Tour de Ski laurdag, og det er ofte ein peikepinn på at han tar sigeren. Det skjedde denne gongen også.

No har han over eitt minutt leiing i samanlagdsigeren på touren.

– Det har vore bra. Eg kjente meg pigg. No må eg utnytte kviledagen i morgon og komme meg til Val di Fiemme, seier han til Viaplay.

Fire norske gjekk heile vegen til finalen, og det blei firedobbelt norsk. På pallen hamna Klæbo, Erik Valnes og Pål Golberg. Even Northug kom like bak, på fjerdeplass.

– Eg spurta heilt inn, men plutseleg kom Golberg der. Det var artig. Karierrebeste i klassisk, må ta med meg det. Litt til no, så nærar eg meg ein pall, seier Northug til Viaplay.