Ёзги трансферлар ойнаси вақтида "Локомотив" ўз таркибини кучайтиришда давом этади. "Айни дамда Тожикистоннинг энг яхши қанот ҳимоячиларидан бири, ёш ва тезкор, шунингдек, энг умидли футболчиларидан саналаётган Манучеҳр Сафаров "Локомотив" билан шартнома имзолади. 2021 йилги мавсумда Осиё чемпионлар лигасида Манучеҳр Тожикистоннинг "Истиқлол" жамоаси билан турнирни "портлатиб" юборди. Унинг "Ал Ҳилол"га урган голлари, айниқса, биринчи голи ҳалигача мухлислар ҳаёлидан кетгани йўқ. Ўтган йил якунларига кўра, Манучеҳр ОФК томонидан йилнинг энг яхши ўнг қанот ҳимоячиси деб топилган. "Локомотив"га хуш келибсан, Манучеҳр!", - деб ёзилади клуб баёнотида.
