Brann-profil skadd

Brann-spelar Tameka Yallop måtte forlate den siste treninga før onsdagens viktige meisterligamøte med Rosengård som følgje av ein skade.

Det er Bergensavisen som omtalar episoden som naturleg nok var lite velkomen i Brann-leiren.

– Eg aner ikkje kor ille det er. Som de også såg, så klarte ho ikkje fullføre treninga. Vi må berre sjå, men akkurat no veit vi ikkje om ho kan spele, seier Brann-trener Olli Harder til avisa.

Australske Yallop gjekk også glipp av det første meisterligamøtet med Rosengård. Då var det ei lårhøne som skapte trøbbel.

Den første kampen laga imellom enda 1–1. Laget som vinn samanlagt, går til gruppespelet.