Тошкентда "Заковат-Гамбит" халқаро шахмат мусобақаси ўтказилди — Бизга қўшилинг: ???? https://t.me/joinchat/AAAAADwt0NGCRoONT4f1_Q

Тошкентда "Заковат-Гамбит" халқаро шахмат мусобақаси ўтказилди. Бу ҳақида Ёшлар ишлари агентлиги директори Алишер Садуллаев маълум қилди. 29-30 октябрь кунлари мукофот жамғармаси 600 млн сўм бўлган “Заковат-Гамбит” шахмат турнирининг финал баҳслари бўлиб ўтди. Турнир доирасида шахмат мавзусидаги саволлар билан “Заковат” ўйини ҳам ўтказилади. A, B, C, D, E гуруҳлар финал ғолиблари: (А) 1-ўрин — Жавоҳир Синдоров; (А) 2-ўрин — Жаҳонгир Воҳидов; (А) 3-ўрин — Муҳиддин Мадаминов. (B) 1-ўрин — Хумоюн Бегмуратов; (B) 2-ўрин — Олег Артёменко; (B) 3-ўрин — Далер Воҳидов. (C) 1-ўрин — Афруза Ҳамдамова; (C) 2-ўрин — Асроржон Омонов; (C) 3-ўрин — Миразиз Кузиев. (D) 1-ўрин — Исломбек Синдоров; (D) 2-ўрин — Темур Шерназаров; (D) 3-ўрин — Акбарали Абдуҳакимов. (E) 1-ўрин — Мадинабону Ҳалилова; (E) 2-ўрин — Абдумажид Ботиралиев; (E) 3-ўрин — Абдумалик Ҳалилов. Мусобақа ғолибларини тантанали тақдирлаш маросимида Миллий масс-медиани қўллаб-қувватлаш ва ривожлантириш жамоат фонди Васийлик Кенгаши раисининг ўринбосари Саида Мирзиёева ва Ўзбекистон Президенти Администрацияси раҳбарининг ўринбосари Комил Алламжонов ҳам иштирок этишди. “Шахматчиларимиз бу йил орзуимиз томон улкан қадам қўйдилар – Ўзбекистон тарихда илк маротаба шахмат бўйича етакчи 20 давлат қаторига кирди! Ҳайратга лойиқ томони шундаки, биз бунга ёшларимиз, ёш гроссмейстерларимиз сабабли эришдик. Бу ғалабани бутун дунё кузатди, халқаро шахмат ҳамжамияти йигит-қизларимизни олқишлади. Бир пайтлар энг кучли шахматчиларни бошқа давлатлардан таклиф қилардик. Энди эса, ўзимиз жаҳоннинг энг олди қаторидамиз”, дейди Саида Мирзиёева. Ғолибларга: 1-ўрин учун 50 млн сўм, 2-ўрин учун 30 млн сўм, 3-ўрин учун 20 млн сўм пул мукофотлари топширилди.