Қатар мезбонлик қилаётган Жаҳон чемпионати 1-туридан ўрин олган Аргентина - Саудия Арабистони учрашуви ниҳоясига етди. Унда осиёликлар 2:1 ҳисобида зафар қучди. Дастлаб, Месси 10-дақиқада пенальтидан ҳисобни очди. Иккинчи таймга бошқача кайфиятда тушиб келган саудияликлар 6 дақиқа ичида икки бор Мартинес дарвозасини ишғол этди. Дастлаб Солиҳ Аш-Шеҳри мувозанатни тиклаган бўлса, Салим Ад-Довсари 53-дақиқада жамоасини ҳисобда олдинга олиб чиқди. Эътиборга молик томони шундаки, аргентиналиклар урган 3 та гол офсайд туфайли инобатга олинмади. Яна бир жиҳати, биринчи таймга 5, иккинчисига 14 дақиқа қўшилди. Шу тариқа, "саҳро лочинлари" ўз тарихида илк бор "альбиселесте"ни мағлубиятга учратмоқда. Аргентина – Саудовская Аравия 1:2 (1:0, 0:2) Голлар: 1:0 – 10, Месси пенальти, 1:1 – 48 Аль-Шехри, 1:2 – 53 Аль-Досари. Аргентина – Мартинес, Молина, Отаменди, Ромеро (Мартинес, 59), Тальяфико (Акунья, 71), Ди Мария, Гомес (Альварес, 59), Паредес (Фернандес, 59), Де Пауль, Месси, Мартинес. Саудия Арабистони – Аль-Овайс, Абдельхамид, Аль-Булайхи, Томбакти, Ал Шахрани (Аль-Брейк, 90), Аль-Досари, Аль-Фарадж (Аль-Абед, 45; Аль-Амри, 88), Канно, Аль-Малки, Аль-Брейкан (Ассири, 89), Аль-Шехри (Аль-Ганам, 78). Огоҳлантиришлар: Аль-Малки (67), Аль-Булайхи (75), Аль-Досари (79), Абдельхамид (82), Аль-Абед (88), Аль-Овайс (90).
