“Реал” бош мураббийи Карло Анчелотти А Серияда ғолиблик қайси жамоага тегиши ҳақида фикр-мулоҳаза билдирди. - Бу мавсум “Наполи” жуда яхши ўйнаяпти. Мен Неаполь каби шаҳар вакиллари ниҳоят Скудеттони қўлга киритишига умид қиламан. Мусобақа жадвалида неаполликларнинг устунлиги муҳим жиҳат, лекин мавсум ҳали анча давом этишини унутмаслик керак. Менинг Неаполь жамоасидаги фаолиятим ўзим учун анча манфаатли бўлган. Ўшанда Италияга қайтишни истагандим ва ишни жуда яхши жойда бошлаганман. Кейинчалик “Эвертон”даги тажрибам ҳам анча фойдали бўлган. Кейин кутилмаганда “Реал”га қайтишимга тўғри келди, - деди Карло Анчелотти. Италиялик мутахассис мураббийлик фаолияти давомида “Реджина”, “Парма”, “Ювентус”, “Милан”, “Челси”, ПСЖ, “Бавария”, “Наполи”, “Эвертон”да ишлаган ва “Реал”га иккинчи марта устозлик қилмоқда.
