Миржалол Қосимов: "Бугун омад бизга кулиб боқди, негаки ўз ўйинимизни кўрсата олмадик" — Бизга қўшилинг: ???? https://t.me/joinchat/AAAAADwt0NGCRoONT4f1_Q
Coca Cola Суперлигаси 22-туридан ўрин олган "Қизилқум" – ОКМК учрашувидан сўнг меҳмонлар бош мураббийи Миржалол Қосимов матбуот анжуманида иштирок этди.
"Тенг курашларга бой бўлган қийин ўйин ўтказдик. Бугун омад бизга кулиб боқди, негаки, ўзимиз истаган ўйинни намойиш эта олмадик. Биринчи бўлим курашлар остида ўтди. Қолаверса, таймни бой бердик. Шунга қарамасдан, иккинчи бўлимда йигитлар ўзида куч топа олишди. Натижада иккита гол урдик.
Жамоада ўзига яраша муаммолар мавжуд. Шамоллаган футболчиларимиз бор, бу ҳам ўз таъсирини ўтказмоқда. Лекин бу ҳам синов, буни ҳам бартараф этамиз. Бизни қўллаб-қувватлаш учун Олмалиқдан келган мухлисларга миннатдорчилик билдираман. "Қизилқум"га омад тилайман", — деди Миржалол Қосимов.
[/allow-turbo] Спорт Shuhrat Thu, 12 Oct 2023 22:25:37 +0500