Հոլանդի հայրը խոսել է ֆուտբոլիստի՝ Ռեալ տեղափոխվելու հավանականության մասին

«Մանչեսթեր Սիթիի» հարձակվող Էրլինգ Հոլանդի հայրը՝ Ալֆ-Ինգե Հոլանդը պատասխանել է այն հարցին, թե արդյոք իր որդին կարող է տեղափոխվել «Ռեալ»։

«Էրլինգը կարո՞ղ է խաղալ «Ռեալում»: Անշուշտ։ Նա կարող է խաղալ ցանկացած ակումբում»,- Հոլանդի հոր խոսքերն է մեջբերում El Chiringuito TV-ն։

Ավելի վաղ հաղորդվում էր, որ Հոլանդի ծառայություններով հետաքրքրված է Մադրիդի «Ռեալը»:

Հիշեցնենք, որ Էրլինգ Հոլանդը «Մանչեսթեր Սիթի» է տեղափոխվել Դորտմունդի «Բորուսիայից» 2022 թվականի ամռանը։