Ёмғирли баҳсда Райо Вальекано ва Бетис голсиз дуранг ўйнади

Ла Лиганинг 16-турида Мадриднинг «Райо Вальекано» клуби ўз майдонида «Бетис»ни қабул қилди. Ёмғир остида кечган учрашув тенгкурашларда ўтди ва 0:0 ҳисобидаги “қуруқ” дуранг билан якунланди.

Ўйиннинг биринчи бўлими ўртасида Иси Паласон жарима зарбасидан аниқ йўллаган тўпни «Бетис» дарвозабони қайтарди. Иккинчи бўлим бошида эса бетислик Айтор Руибал жарима майдони ташқарисидан зарба берди, бу сафар «Райо Вальекано» посбони вазиятни қутқариб қолди.

Натижада томонлар ҳисобни оча олмади. Ушбу дурангдан сўнг «Бетис» турнир жадвалида 6-ўринда қолди, «Райо Вальекано» эса 12-поғонани бир неча жамоа билан бўлишиб турибди.