Эстевао «Ньюкасл»га қарши ўйинни ўтказиб юборади
Унинг сафга қайтиш муддати ҳозирча эълон қилинмаган, бироқ яқин ҳафта охирида жамоасига ёрдам бера олмаслигини инсайдер Фабрицио Романо хабар қилди. Эслатиб ўтамиз, кеча «Челси» Англия Лигаси кубоги чорак финалида сафарда «Кардифф Сити»ни 3:1 ҳисобида мағлуб этди.
Бразилиялик ҳужумчи ўша баҳсда иштирок этмади. 18 ёшли, қиймати 80 млн евроға баҳоланаётган Эстевао охирги бор 13 декабр куни «Эвертон»га қарши учрашувда майдонга тушган, у 81-дақиқада захирадан ўйинга қўшилган.
2025/2026 йилги мавсумда Эстевао «Челси»га ўтишидан аввал Бразилиядаги ўйинларини ҳам қўшиб ҳисоблаганда 58 учрашувда қатнашиб, 17 гол урди ва 6 та голли узатма берди.