Кристофер Нкунку Саудия Арабистонига сотилиши мумкин

Франциялик ҳужумчи Кристофер Нкункунинг "Милан"даги фаолияти кутилганидек кечмаяпти. Клуб раҳбарияти футболчи жамоага мослаша олмагани сабабли уни таркибдан чиқариш вариантларини кўриб чиқмоқда.

Туринлик Tuttosport нашрининг хабар беришича, футболчининг агенти Пини Заҳави бу масала устида ишлаяпти ва ҳозирча энг реал сценарий — Нкункуни Саудия Арабистони клубларидан бирига сотиш. Эслатиб ўтамиз, "Челси"дан келган француз ҳужумчи "Милан" сафида мунтазам майдонга тушмоқда, бироқ ҳозирча клуб таркибида бирорта ҳам гол ура олмади.

Айни пайтда "Милан" 18-декабр куни старт оладиган Италия Суперкубогида иштирок этиш учун Саудия Арабистонига йўл олди.