Марко Симоне: «Милан тўртлик эмас, ғалаба учун курашсин»

Италиянинг «Милан» клуби собиқ ҳужумчиси Марко Симоне бош мураббий Массимилиано Аллегрининг «Чемпионлар лигаси йўлланмаси учун кучли тўртликка кириш» ҳақидаги эҳтиёткор баёнотларига танқидий муносабат билдирди. 1996 йилда Чемпионлар лигасида чорак асрдан ортиқ вақт сақланиб қолган рекорд ўрнатган Симоне, «Милан» каби жамоа фақат тўртинчи ўрин билан чекланмаслиги кераклигини таъкидлади.

«Аллегри “Милан” фақат кучли тўртликда бўлиши керак, холос, деб такрорлаяпти. Ҳа, ўтган мавсум клуб саккизинчи бўлиб якунлади, лекин “Милан” барибир “Милан”.

У ғалаба учун курашиши шарт. Ҳеч қандай “аммо” ва “агар”сиз», — дея Симонедан иқтибос келтиради pianetamilan.it.

Айни пайтда «Милан» А Серия турнир жадвалида иккинчи ўринда бормоқда.